Mera kharab exprience Tandoori nights me.

Mera kharab exprience Tandoori nights me.

Click here to read in English

Please Tandoori Nights aur Golden Bull me party mat karna. (Uska naya Naam: Hakuna Matata. Old Name: Saad Kitchen or Pizza One hai).

Mera bahut kharab experience raha hai:

Mera birthday tha. Mai Tandoori nights me party karne ke liye gaya. Mai Prince se baat kiya tha aur Tandoori Night restaurant ko book kiya tha.
Jab Prince se phone pe baat ki thi wo bola tha sab ekdm mast rahega khana badiya rahega koi bhi dikkat pareshani ki baat nahi hogi. Jab mai waha pahucha sab waisa hi tha.. Koi dikkat nahi dikhi.

Jab sab log aa gaye maine bola Piko lao.. To prince bola Piko nahi hai.. Mai usko pahle phone pe bol chuka tha mujhe Piko cahiye coke nahi… Pahle to usne bola mai aisa nahi bola but fir bola Haan bole the but mai bhool gaya ab bas coke hai issi se kaam chalao. Mai kaha okay.
Fir mai bola Starter de do… Usne atleast 30 minutes mere bolne ke baad liya. Usme pakuda diya jo ekdm sukha tha, kada ho gaya tha aur ekdm thanda tha jaisa koi fridge me rakha ho. Aur fir Dahi bhalla ya papdi chaat bol ke ek dish di jo itni kharab thi mai bata nahi skta. (Adha ubla hua aalu me daahi daal ke de diya ho) itna kharab taste ki kya batau.. (Trust me ek baar khane ke baad tum dubara muh me nahi daal paoge itna kharab). Maine kaha ye kya hai bola sorry yaar ye thoda gadbad ho gaya lekin khana aacha rahega..

12 baje maine cake cut kiya bus cake cut ke baad light chali gayi.. Aur koi bhi inverter kuch bhi nahi.. Usne bola 5-10 minute ruko light aayegi but 30 minute baad bhi light nahi aayi, wo bol raha mere haath me nahi.. Aur light bas Tandoori Nights me gayi thi..

Mere dost ne bola usko ki candle lagwa do ussi me khana kha lete hai. Usne pahle mana kiya (wo 3 log the pura nashe me even hosh me bhi nahi the, kya baat kar rahe hai wo).. Fir bahut samjha ke kar ke candle mili wobhi bas 4-5.

Ab khana lagaya un logo ne.
Pahla khana tha Shahi Paneer.. Jaise kisi ne kaccha pani daal diya ho paneer me aur usse ubala bhi nahi ho.. Jab usse khaya to namak zada, pani zada ekdm kharab taste. Agar rating deni ho to negative me rating dunga mai..

Dusra khana tha Chicken Masala.. Yaha bas naam aacha hai… Itna zada un logo ne usse paka diya tha tha ki haadi aur meat alag alag ho gaya tha. Isme bhi pani zada, masala zada. Jab khana khana start hua to usme bas 10-15 piece thi chicken ki jab wo khatam ho jaaye to wo log 2-4 minute lete the laane me aur laate bas 4-5 piece the aur 12-15 logo ke baad chicken piece khatam ho gayi. Mai bola bhai aur laao usne mana kar diya. Mai 25 logo ke khaane ka paisa de raha tha aur hum gaye bas 20 the usme bhi khana kam pad gaya. Mujhe Sharam aa rahi thi ki mai kaisi jagah pe party diya hoon… Mere dosto ne kuch nahi bola but sab ko kahi na kahi feel hua ki galat hai ye.

3rd dish thi Daal Tadka.. Upar ki dono dish me pani zada tha isme pani hi nahi tha.. Aur beech beech me pathar jaisa kuch tha jaise beech beech me kaachi daal ho. Yaha bhi bas ek aacha sa dish ka naam is dish ne bhi mujhe sharminda kiya jo vegetarians dost the un logo me.

Prince bola chawal zeera wala hoga ekdm badiya. Jabki ekdm kharab sasta wala chawal tha. Mai ye umeed kar raha tha ki basmati chawal rahega lekin ye sayad kyrgyzstan ka chawal tha wobhi tasteless. Mai janta hoon is sab cheeze ko koi notice nahi karta but meri jagah rah kar ke socho maine extra paisa diya tha bas khane ki quality ke liye.

Roti bhi ekdm sukhi hui kadi ho gayi thi…jaise 3-4 ghante pahle paka ke kisi ne usko aache se pack nahi kiya.

Main jab ye sab chize usko bolne laga to wo log mere pe chilane lage. Unke hisab se mai galat hoon. Mai aisa soch bhi nahi skta koi aisa kaise kar skta hai.

Unke hisab se chilla ke sab problem khatam ho gayi… Us din mera birthday tha mai sach me us din apne aap me ro raha tha ki mai kaisi jagah party diya hoon. Mera last birthday tha Bishkek me. Un logo ne sab kharab kar diya bas ek baar me.

Un logo me se ek (10th semester me tha uska naam nahi pata) wo bol raha ki mujhe izzat do mai tumhara senior hoon. Mai us insaan ko paise de raha hoon kaam karne ka aur wo kaam bhi nahi kar raha aur mere se respect mang raha hai. Meri jagah agar tum rahoge to respect doge? Soch ke dekho…

Prince ne mujhe ek zada sa amount bola maine de diya (ek baar discount ke liye bhi maine nahi bola) fir mai restaurant ke andar se hi taxi order kar raha tha 10th sem wala aaya aur bolta hai bahar chale jao kyunki mere dost gusse me hai wo kuch kar denge. Matlab wo mujhe dhamki de raha tha yaha se ab jao Warna peet denge tumko.. Dhamki dene se pahle usne socha bhi nahi aaj mera birthday hai.

Jab maine bola logo se mere saath aisa hua to mujhe pata chala kafi ke saath aisa ho chuka hai… Agar tum yaha tak padh chuke ho to please Tandoori Nights aur Golden bull me party mat karna. aur apne dosto ko bhi ye story batana ki mere saath kya hua..

Prince salam namaste me bhi kaam karta hai usme bhi party mat karna please. . .
Tumhara bada bhai hoon tum log mere bhai bahen jaise ho tumhare liye mai website banai sab kaam easy karne ki kosis ki please mere liye itna kar dena. 🙏

Thanks padhne ke liye.

Show your love!
Cart Item Removed. Undo
  • No products in the cart.